Wafrös alemannische Dialektik vom 9. April 2008

Mer schtond wieder mol voreme große Ereignis i unsere Landschaft, nämlich vor de Wahl vu de "Miss Bodenseee". Do goth's um dieSchänscht vu Österreich, de Schweiz und vu Deutschland und des usegriege, welle vu däne drei Länder die Schänscht isch, des isch alles ander, als ä eifache Sach. Drum finded etz i allene drei Länder so genannte Finale" schtatt, wo die jeweils sechs beschte Bewerberinne gwählt wäred. Bi uns z Deutschland isch des Finale am fimfte April z Überlinge am See gsi.  Bi dere Misswahl känned die Mädle au no andere Titel erwerbe, wo au begehrt sind. Sie känned no "Miss Fotogen" wäre, oder "Miss Voting", oder "Miss Show Biz". Des dirft doch alles klar sei, ä Miss Fotogen isch one, wo sich guet fotografiere loot, wo sich also bim "Shooting-Date" it bled aaschtellt und ä Miss Voting isch one, wo scho bim Vorentscheid agnähm ufgfalle isch. Ä "Miss Show Biz" aber isch one, wo de Fuess scho i de Türe hot, ob se etz no gar Miss wird oder it. Wenn de mol Miss Show Biz bisch, no bruchsch ko Angscht meh hon, dass de kon Maa griegsch, no lieged se um de rum, wie d Lämmle um de Schäfer.  Ibrigens isch im letzschte Johr ä Schwiizer Maidli us Kreuzlinge d Miss Bodensee wore, Melanie Eichenberger hot se gheiße und etz hoffed mir nadierlich alle, dass des Johr ä Deitsche s Renne macht. Die sechs beschte Fraue, wo eigentlich no Mädle sind, die hond sich derfe binere ein- bis zweiminütige Bühnenshow beweise, und wenn se sich qualifiziert hond, denn sind se no zunere "Miss Intersky" gwählt wore. Des isch ä Fluggsellschaft, wo die achtzeh Finalischte Ende Mai ine europäische Schtadt fliegt, denn wird us däne achtzeh die Miss Bodensee gwählt und nocheme lange Leidensweg ka se sich schließlich fir den Titel Miss Germany bewerbe.  Mer hot sich im Internet scho a de Miss Voting-Wahl beteilige känne, nu i war wieder mol vu dere wichtige Wahl usgschlosse, weil i kon Internetanschluss hon. I hon me aber lebhaft ane Misswahl erinneret, wo i ziemlich schtark dra beteiligt gsi bi. Do isches i unsere Schtadt um ä "Miss Hohentwiel" gange und die isch ime Fäschtzelt gwählt wore. S isch im Rahme vume mehrtägige Fäscht gsi und i ka nume sage, wenn des Fäscht war und wäge wa des Fäscht gsi isch. Nadierlich wared do kone achtzeh Bewerberine, sondern nu zwä. Beide sind Wirtstöchter gsi und hond ihrene Fäns ghet. Die ei hotene Bier verschproche und denn isches beinah zunere Schlägerei kumme i dem Fäschtzelt. Meine Musiger und i hond en saumäßige Spaß ghet. Uns het jo der Krach nint usgmacht, weil mir jo ufem Podium ghocket sind und der Remidemi war under uns. Sie hond denn one vu däne beide zu de Miss Hohentwiel gwählt und die Fäns vu de selle, wo die Wahl verlore hot, die hond firchtig durch Finger pfiffe, aber des duet jo it weh.  Des war die Ziit, wo vill Mädle gmont hond, sie kännted singe, wie domols d Melitta Berg, d Ulla Norden und d Selina Bachmann. Alle drei hon i musikalisch scho begleitet. Etz hot die schäne Tochter vume Singemer Gschäftsma au gmont, sie känn so schä singe, wie se ussieht und wo se mit uns ufem Podium vor em Mikrofon gschtande isch, do hot se de Ton it gfunde und de Gsang isch schlicht und eifach verreckt. Do hond se au wieder durch d Finger pfiffe und so en echte Hegauner hot vu unde ufe brüelet "des Mensch soll z'erscht emol singe lehre!". Sie hot denn de Gsang abbroche und mir hond glei den schäne Schlager gschpillt: "So ein Tag, so wunderschön wie heute!" Am Mäntig war denn ä Foto vu uns i de Zeitung, obwohl gar kon Shooting Date war, aber fir uns junge Musiger war des echt Show Biz!

Von Walter Fröhlich