Wafrös alemannische Dialektik vom 4. Mai 2005

Also won'i erfahre hon, dass de Kardinal Ratzinger zum Papscht g'wählt wore isch und etz Benedikt XVI heißt, i war grad z'Konschtanz bi mim Stammtisch, mitem Karle Dipfele, em Paule, em Mäx, em Adolf, em Uli und em Alex, wo de Wirt kumme isch und gset hot »Habemus Papam«, do wared mir ältere Herre scho bissele schtolz. Er isch de gliich Johrgang wie die meischte vum Schtammtisch, er isch en 27 ger, genau wie i au on bin. Anscheinend sind mir doch no ko so ä alt's Klump, wie manche moned, wo vu ihrem Vadder schpäter gmacht wore sind. Und die selle Schornalischtekollege, wo'nem glei vorghalte hond, dass er i de Hitlerjugend gsi isch, die sott mer uf de Schtell mit Rossbolle verschieße, aber mit sottige, wo no nass sind, dass es weng schpritz, damit se scho zeh Meter geg de Wind schtinked. Kamer au ime Bue vorwerfe, dass'er im Jungvolk gsi isch, als ob mer uns g'froget hett, ob mir wänd oder it wänd. Wa hond au die dumme Sieche fir G'schichtskenntnis. Aber die sind wahrscheinlich it dumm, sondern uf bsundere Art bösartig. Aber wa isch scho unser Alter gege den Fund, wo se neilich z'Spanien ufs Mol gmacht hond. Do hond se de Urahn vum Mensch entdeckt, wo it weniger als 13 Millione Johr vor uns g'lebt hot. Er hot zu dene Primate zellt, also zu dene Herrentiere, wo fimf Finger und fimf Zehe hond und ä guet's entwickletes Gehirn und scho i de Kreidezeit, also 140 bis 60 Millione Johr vor hüt g'lebt hond. Vor 12 bis 14 Millione Johr hond sich die Primate gschpalte, i niedere und höhere Affe und vor sechs Milione Johr hot sich vu däne de Mensch trennt. Also wemer sich des mol iberlegt, do wird'som ganz trimmlig, abgsäeh mol devu, dass mir des no i de Bibl eglei weng andersch g'lehrt hond. Etz hond se aber feschtgschtellt, dass der g'fundene Vorfahr primitiver war, als mer sich vorgschtellt hot. Ufrecht laufe hot er no'it känne, de Vorfahr, und  er war nu so groß wie en Schimpans. Er hot ugfähr 35 Kilo g'woge und Obst g'fresse. Insofern war er eigentlich domols scho en Grüene. Wie gsagt, in Spanien hond se'n g'funde und Gott sei Dank it in Bayern, weil dert, genau wie in Baden-Württemberg, die Entwicklung scho weng andersch g'loffe isch. Guet, unser Vorfahr hot kletteret und Obst g'esse, aber des ka uns im Grund g'numme scheißegal sei. Uf alle Fäll hond mir Deutsche etz noch fimhundert Johr wieder mol en Papscht. Ausgrechnet mir, wo mir's doch alleweil no weng verschisse hond i de ganze Welt, wobei mer, des isch ko Frog, selber Schuld dra gsi sind, aber de Benedikt XVI isch au weng die Garantie defir, dass die, wo etz bi uns in Deutschland läbed, nume uf de Böm hocked und Obst fressed. Mir sotted etz nu it wieder iberheblich were, sondern ä bitzele bescheide bliibe, aber freie derf mer sich doch au mol, oder it. Mit de Primate hot's no it eso klappt, aber dodefir mit em Primus vu allene Kardinäl won'en zum Papscht g'wählt hond. I hon mer iberlegt, wa de Weiß Ferdl und de Karl Valentin sage däted, und i glaub, sie däted beide s'gliich sage, »Luja sog i!«

Von Walter Fröhlich