Wafrös Alemannische Dialektik vom 25. Juni 2008

Bi uns z'Singe isch alleweil ebbes los. Vor allem merkt mer ganz deitlich, wa mir fir ä sensible, empfindsame demokratische Bevölkerung hond. Grad vor zwä Woche hon i ä Frau zunere Auszeichnung vorgschlage (Goldenes Arschloch am seidene Band!), weil se nachts kurz vor zwelfe ime ältere Herr nochgfahre isch, weil der, weil's Nacht war, vorsichtig gmächlich gfahre isch. Sie hot mit ihrem Händy d Bolizei agruefe, do sei en Bsoffene underwägs und die hond denn dä Maa gschtellt und vor sinere Hustüre blose lo, mit dem Ergäbnis 0,00!
Etz sind se wieder uf Barrikade, die ufrächte Demokrate, weil ä Lehrerin i de Grundschuel d'Schuelerränze vu de Kinder miteme Filzschreiber nummeriert hot, weil die Kinder all ihre Ränze verwechsled. Sie hond die Lehrerin azeigt, weil dodurch die Ränze entwertet wäred, wenn se die wieder verscherble wetted. Ä Elternteil hot sogar gschriebe: »Allein diese Nummer stört die Eltern und lässt bei ihnen Erinnerungen an Deutschlands dunkle Vergangenheit aufkeimen!« S isch it zum Glaube, wa die hütig Elteregenerazion fir en Saich ablosse ka. Die dumme Sieche hond doch it die leiseschte Ahnung vum so genannte Dritte Reich. Wahrscheinlich hond se aschpille welle uf KZ-Nummere und we sowas mit de Nummerierung vu Schuelränze vergleicht, dem ghört a d'Ohre gschlage, oder er mößt de »SS-Staat« vum Eugen Kogon fimf Mol abschriibe, damit er ä bissele ä Ahnung vu dem kriegt, wa »Deutschlands dunkle Vergangeheit« bedeitet hot. Oner hot gschriebe: »Die meisten unserer Kinder, vor allem in der Grundschule, haben sehr wohl eine gute Erziehung, als auch Disziplin gelernt.«
Ha der hot viellicht ä Ahnung. Lieber Schteiklopfe mit de Augedeckel, als die verzogene, verhätschlete Narzissle erziehe. Sie  mond nämlich, wenn se groß ufs Klo mössed, bim Lehrer s Lokusbabier hole, weil im Abort ko Babier meh isch. Alleweil hond die süsse kläne Borzerle die Rolle i de Lokus gworfe und ä Verschtopfung, also ä Riesesauerei produziert.
Weil grad kon Hausmeischter und ko Butzfrau do war, hot en Rektor eigehändig i die Scheiße lange möße, damit it no meh iberschwemmt wird. Debei sind Hausmeischter und Butzfraue kone Sklave vu däne kläne Drecksäule. Etz giit's nu no oe Rolle bim Lehrer, aber des sei »entwürdigend«, mont en Eltereteil, wenn ihr Kind um Klobabiert ersuchen mößt. Entwürdigend isch die Reinigung vume absichtlich verschtopfte Klo, aber mach des emol ime hütige, psychologisch durchgebildete Eltereteil klar, do hot mer doch ko Schoos. Geschtern hon i us Versäeh mine braune Schueh azoge.
No hon i se wieder uszoge, weil i mir pletzlich »Deutschlands dunkle Vergangenheit« ufkeimd isch. I hon die Schwarze azoge und mine braune Schueh hon i i de Rotkreuz-Container tue.
Solled sich andere a die dunkle Vergangeheit erinnere, i zieh nu no Schwarze a!

Von Walter Fröhlich