Wafrös alemannische Dialektik vom 22. Juni 2005

Eigentlich isch Bolidik it so mei Thema, aber wemer halt nu mol uf dere Welt läbt, no kunnt mer in Gottsname it dra vorbei. Denn hot se au mit om vu mine Büechle all meh z'tued, weil des de Titel hot, »S'wird all bleder«. I g'hör it zu sellene Schtammtischschtratege, wo all's besser wissed und all's besser mache däted, aber s'giit so Zeite, wo om s'Fidle schwätze kännt, weil vu unserne Bolidiker on en größere Bledsinn schwätzt wie de ander. Etz hot zum Beischpiel on vu de oberschte Soze ebbes ganz Verninftig's gset und etz sind se iber den herzoge, als het'er ebbes ganz Firchtig's abglosse und de ganz Schornalischte club macht mit bi dere Katze musig, dass mer sich as Hirn lange moß und sich froge, ja verschtoht denn wirklich niemerd meh bi uns im Land, wa oner sage will, wenn'er mol ebbes ganz Verninftig's gsagt hot. Der oberschte Sozi hot nämlich selle, wo bi uns im Land eifalled und oe Fabrikle ums ander kaufed, sich s'Bescht dra aussueched und de Rescht, wonene it i ihre Gwinnschema passt, abschtoßed, furtwerfed und dodemit all no meh Arbeitslose fabriziered, äbe grad die Sorte hot er mit Heuschrecke vergliche, wo iber ä Land herfalled und all's kahl fressed. Wahrscheinlich hot der Sozi a die ägyptische Ploge denkt us de Bibel, wo iber de Pharao und sei Volk kumme sind, weil er die Israelite hot it zieh lo. S'isch scho ä schlimme Sach, so ä Heuschrecke-Plog, und im Alte Teschtament, wo se hüt saged, des sei s'Erschte Teschtament, do giit's immerhin zeh Heuschrecke-Sorte, wo mir bi uns zu de klänere Verwandte »Heujucker« saged. Wenn z'Paläschtina oder oemeds z'Afrika so ä Heuschreckeplog zmol uftaucht, des isch ebbes Firchtig's, weil se i Myriade kummed und all's ratzekahl fressed. Mit sonere Plog hot der Obersozi selle vergliche, wo unsere deitsche Firme kaufed und denn Teil devu schtillleged, weil'ene de Mensch so scheißegal isch wie nu ebbes. Etz sind se aber iber den Sozi hergfalle, als wär der en Massemörder. So ebbes vu Heuchelei treibt om doch Träne i d'Auge. Er hett Mensche mit Tieren vergliche, Mensche wo als Wirtschaftler andere Mensche Arbet und Brot verschaffe wetted. S’isch zuegange wie seinerzeit, wo de Ludwig Erhard als Bundeskanzler mol en Haufe 68er als Pinscher bezeichnet hot, wa domols gar itso falsch war. Do hot au all's ufghület, wie wemer ä Rudel Wölf abschlachte dät. Als ob Pinscher so ä firchtig wüescht's Wort wär, oder im jetzige Fall »Heuschrecke«. Wo de Joschka mol de Bundestagspräsident ä Arschloch gheiße hot, do isch glacht wore und wa sind unsere Schwobe fir Verbrecher, wennse zunenand daube Sau saged, wa bi uns am See und im Hegau blede Sau heißt! Sind selle, wo unsre Firme kahlfressed kone Heuschrecke? O wie Recht hot selle schlichte eifache Frau, wo den Leserbrief inere große Illuschtrierte gschriebe hot, woni neilich glese hon. Die hot uf de Punkt brocht, wa sich kon Bolidiker sage traut, dass es nämlich schlicht und eifach verloge isch, dass Arbet fir alle do wär. Wo sollse denn au sei, die Arbet fir alle. Wenn inere Werkhalle, wo früener taused Mensche gschafft hond, etz nu no schtucke zwanzg brucht wered, weil mer all's so schä razionalisiert hond. Also i mon halt, des mit dene Heuschrecke des schtimmt scho weng und de Titel vu mim Büechle schtimmt au, »S'wird all bleder«, weil de Mensch nume logisch denke ka. It wäge de Heuschrecke, sondern wäge de guete alte schwäbische »daube Sau!«

Von Walter Fröhlich