Wafrös alemannische Dialektik vom 15. Juni 2005

Uf wa fir Gedanke de Mensch kunnt, sott mer it fir meglich halte, wemer it wüßt, dass im Mensch fascht all's meglich isch, aber halt nu fascht. Gar all's ischem it meglich, vor allem ons, dass er nämlich it verhindere ka, dass'er mol schterbe moß. Z'Amerika känned sich selle, wo gnueg Geld hond, jo scho eifriere lo, damit se wieder meglichscht frisch uftaut wäre känned, wenn se ebbes erfunde hond, wo de Mensch schlucke ka, dass'er unschterblich isch. Etz wenn i mir vorschtell, dass'es de Wisseschaft eines Tags glingt, dass se mi dreihundert Johr alt mache kännted, und i mir iberleg, wie i denn ussieh, denn dät i sage, lomer's lie-ber so wie's etz isch. Etz isches no so, dass de Mensch sich ufs Grab vu sine Liebe konzentriert und jenochdem, wieviel Geld er hot, kan'er mit de sogenannte letzschte Ruheschtätte dokumentiere, wie wertvoll ihm der oder die Verblichene gsi isch. S'giit all no sottene, wo ihrene Aghörige ä Mausoleum baued, während die eifache Leit d'Aschemitere schlichte Urne ine Fächle vunere Urnemauer schtelled, aber au do giit's no Underschied, weil's so koschtbare Urne giit, wo meh koschted wie de gröscht Grabschtei. Und etz giit's no ebbes ganz Neus. Mer hot usebrocht, dass de Mensch zu 20 Prozent us Kohleschtoff beschtoht und der isch des chemische Element, us dem  im Erdinnere under hochem Druck Diamante entschtanded. Etz hond se moderne Maschine erfunde, wo so en hohe Druck erzeuge känned, dass me us de Asche vume Verschtorbene en Diamant presse ka. Z'Amerika nadierlich goht des bereits und i de Schwiiz giit's au scho ä Firma, wo die neumodisch Beschtattungsform abietet, aber bi uns in Germany goht des vorerscht no it, nu goht's nume lang, no goht des bi uns au. Etz ka me also sei liebschtes Verblichenes als Diamant am kläne Finger trage, oder als Armband oder als Krawattenodel. Wenn de also miteme Saukerle verhürotet gsi bisch, oder miteme Granatelueder, no kasch den oder die Verschtorbene noch de Einäscherung zume Diamant umschaffe lo, no isch Er oder Sie am End doch no ebbes wert. S'isch bis etz no it grad billig, des Verfahre, und de Preis fir so en Diamant liit etz no bi 3000 bis 7000 Euro, aber s'wird numelang go, no wird au do de Konkurrenzdruck defir sorge, dass sich au de Mittelschtand leischte ka, dass mer de verschtorbene Firmegründer als Diamant am Finger trage ka. Bi uns i de BRD giit's etz ibrigensen Beschtatter, der will sine Kunde demnäkscht Feuerwerksbeschtattunge abiete. Des Problem isch nu, dass ko Asche wieder uf de Bode aberieselet. Etz hond se bereits ä Chemikalie gfunde, wo de Rescht vu de Asche i de Luft zersetzt. S'Patentisch bereits agmeldet. Etz isches endlich denn bald so weit, dass de dei alte Dante i de Himmel oder uf de Mond schieße kasch und wer hot des bi dem oder bi dere it scho mol welle. Nu isches halt au wieder so, dass so ä Rakete it grad billig isch und am End no en Hufe Geld usgäe, wemer ebber sei Asche zum Schluss i d'Luft jage ka, weil der oder die om it grad simpatisch gsi isch, also i woss it so räet ...

Von Walter Fröhlich