Wafrös alemannische Dialektik vom 18. September 2001

S'hot alles zwei Seite! Nix isch wohrer als der Satz. Wer vu uns goht scho gern zum Zahnarzt, aber i bi do wahrscheinlich ä Usnahm und des hot sin Grund. Wenn i um neune bschtellt bi, no hock i scho um achte im Wartezimmer oder am End no früener und noch de Behandlung hock i mi nomol dert ane und mach mei Bildungsprogramm gar fertig. Do lieged nämlich die gängige Illusch-trierte uf und so ugfähr nochere Stund oder au anderthalb bin i wieder einigermaße uf em Laufende. Nadierlich kummt au die ander Siite, nämlich dasses bi de Behandlung meischtens weh duet, aber des Wisse, wo i im Wartezimmer us däne Heftle gschpeicheret hon, des ka mir niemerd meh wegnäeh, des isch im Kopf und bliibt ä zeitlang dinne. Früener war i iber mine Film- und Schlagerstar genau unterrichtet, aber des isch scho lang her und die meischte sind scho lang gstorbe. Mei Catarina Valente isch au scho siebezge und d Kristina Söderbaum isch grad verschiede. Etz sind neue dra und wemer sich do it informiert, isch mer im Nu mega-out. Oder hetted ihr etz gwisst, dass die Jennifer Lopez (30) en neue hot, weil de alt, nämlich de Puff Daddy, wäge unerlaubtem Waffebesitz wahrscheinlich 15 Johr i de Knascht mueß? Seller Formel-1-Fahrer David Coulthard isch doch mit sinere Freundin Heidi Wichlinski (26) im Privatjet abgschtürzt und do hot all's gmont, dass die sich heirote däted, aber schätze ka fehle! Die Heidi hot dem Rennfahrer de Laufpass gäe, weil der in London, ausgrechnet i sellem Samenraub-Hotel Metropolitan (vum Boris Becker), mit dere zwanzgjährige Ruth Taylor ä Schaumbad gnumme hot, wo die ganz Nacht lang daueret hett. Do mecht i den nu mol froge, wa der ä ganze Nacht lang gwäscht hot, den hett i au furtgschickt. Etz hond Zeitunge in USA usegfunde, dass de Arnold Schwarzenegger en Grabscher sei. Des hett i hinder dem au it gsuecht, aber er häb de Denise Van Outen ihre Hüfte dätschlet, de Melanie Sykes a de Bruschtkorb glanget und de Anna Richardson i d'Bruschtwarze zwickt! Debei isch der Vadder vu vier Kinder mitere Kennedy-Nichte verhürotet, do macht mer doch kone sottige Sächele. Do defir isch etz die Jenny Elvers saumäßig glicklich, weil se sellen Heiner Lauterbach los hot und weil se vu dem Big-Brother-Star Alex Jolig ä Butzele griegt. Ime Café hot se de Fotografe de Buuch zeigt, wo etz des Nabelpiercing scho ganz »frech absteht« und sie isch ganz schtolz uf de Bauch, die Jenny. Wer it eso glicklich isch, des isch de »Mosi«, de Rudolph Moshammer, weil se den mitsamt em Zlatko it bim Grand Prix uftrete lond und i hett des dem arme tapfere Schneiderlein, wo no nie en Knopf agnäht hot, mit seim herzige Kampfhundle so gönnt. Do isch de »Kaiser« scho glicklicher, wo ihm sin Freund, de Kanzler Schröder, doch die Fußball-Weltmeischterschaft gholfe hot, zu uns hole. Des mit dem Butzele so näbeher hot mer im Franzl verziehe, wie au unserm Boris. Zu dem dät er sage, de Kaiser, wenn er ihm en Rot gäe mösst: »Hör mehr in dich rein, Boris, hör auf dich, alles ist in dir drin!« So hot mer au gmont, dass i de Prinzessin Stephanie vu Monaco nix meh drin sei, usser de Depression, de Schwermuet, weil se all nu no umenandghanget isch, des arm Prinzessle. Aber etz hot's wieder gschnagglet, etz isch wieder die große Liebe eizoge. Zum Zirkusdirekter Franco Knie nämlich! Der hot sich scho vu sinere Frau scheide losse und sei Mamme hot gmont: »Ja, sie lieben sich!« Des isch eifach schää und am meischte hot mi gfreit, dass die Jane Fonda mit ihre dreie-sechzge und noch de Scheidung endlich »im Frieden mit sich sel-ber« läbt und sich wie neu gebore fühlt. Bis do ane bin i kumme mit mim Bildungsprogramm bim Zahnarzt und hon des bitzele Zahweh uf de oene Siite gern in Kauf gnumme, weil mer uf de andere Seite jeder beschtätige moss, dass i no sauguet druf bi fir mei Alter. Schtimmt's vielleicht it?

Von Walter Fröhlich