Wafrös alemannische Dialektik vom 31. März 2010

S isch glaub i de Hans Sachs gsi, wo vu 1494 bis 1576 gläbt hot und wo us luter Freid am Läbe den Satz abgloo hot; »D Geischter wached uf, d Wisseschafte blied, s isch ä Luscht zum Läbe!«
Er war begeischteret vu Dichtung, Kunscht und däne neie Erkenntnis vu de Wisseschafte, dasses den ehemalige Schuehmacher und Dichter vor Freid am Läbe schier verglepft hot. Des ka i verschtoh, weil i sottige Zueschtänd au kenn. It weil i au Versle reim, so wie er, nu hot'er literarisch denn scho no wenig meh druf ghet wie unsereiner. Er hot immerhin it weniger als 6000 Werk hinderlosse. Trotzdem packt au mi gelegentlich d Luscht am Läbe, wenn i wieder lese ka, dass d Menschheit wieder en Schprung vürse gmacht hot Im Krankehus Friederikenschtift z Hannover solled die frisch geborene Säugling direkt während und noch de Geburt vum Fueßballfieber erfasst wäre. Mer hot zwar medizinisch ebbes degege, wenn Neugeburte vume Fieber erfasst wäred, aber do giits etz ä Usnahm! On vu däne Kreißsääl isch i de Farbe vu dem Bundesligaverein »Hannover 96« usgmolet wore. Wenn also ä Kind uf d Welt kunnt, sieht des bim erschte Augeufschlag ä scharz-weiß-grüene Fueßballwelt und Bällele, Kickschueh, Söckle und Fahne. De Präsi vu Hannover 96 hofft, dass durch die Kreißsaalgeschtaltung au die Geburtenrate schteigt, wa dem Verein zuesätzliche Fäns beschert. Die Idee schtammt ibrigens it vu däne Kicker, denn die honds it im Kopf, sondern i de Füeß. D Idee vu dem Schprung ine nei's Zeitalter fir Neigeborene schtammt vu de Hebamme! Do ka me etz eigentlich alle Gen-Manipulazione vergässe, weil des Kind noch de letzschte Presswehe vu de Mamme ine Fueßballatmosfähre kunnt und s mößt doch grad mitem Deifel zuegoh, wenn us dem Kind it emol Nochschub fir d Bundesliga wäre dät. Etz sott nu no ä Tonband laut Tooor brüele, wenn des Butzele aakummt. Aber des sind Feinheite und wahrscheinlich hond se des scho inschtalliert. Uf alle Fäll ka om so ä Nochricht geischtig erheben, sodass me d Luscht am Läbe ufs neie schpiirt. S isch allerdings en winzig kläne Hooke a dere neie Erungeschaft, wie iberall, wenn ebbes Nei's ufkunnt. Ä Wermuetstrepfle isch meischtens eiplant. Desmol bin i sogar selber drufkumme, ohne dass me ebberf hot drufufelupfe mösse. Guet, wemer woss, dass die Mamme s Kicke it intressiert, weil se lieber Klavier schpillt, no moss mer se halt inen andere Kreissaal tue. S giit aber no ganz andere Problem, wo i bis etz it dehinder kumme bin, wie mer des löse ka. Also gsetzt de Fall, de Maa vu dere Mamme hot mit Hannover 96 nix am Huet, weil er fir Bayern München schwärmt, denn wird dotsicher die Mamme us Liebe zum Babbe en andere Kreißsaal wähle, des dirft sicher sei. Solang des Kindle no bi de Mamme im Bauch isch, isch des Problem jo schließlich pränatal und wird ersch poschtnatal, wenn's die Dekorazion sieht.
Ob des Verfahre bei Hochbegabte Kinder Schädigunge verursache ka, isch nadierlich au no it erforscht. Aber alle die Mammene. wo endlich ihre Wunschkindle uf d Welt bringed, die käned neie Hoffnung schepfe, dass us dem Kindle mol ebbes wird und so en kläne Beckebauer isch doch ebbes herzigs! Wenn etz aber Hannover 96 abschteigt, und Borussia Dortmund den Tabelleplatz griegt, no wird mer den Kreißsaal wieder umschtriiche mösse, wa insofern ko Problem wär, weil me do neie Arbeitsplätz schafft. Alo alles in allem, s isch etz grad ä Luscht zum läbe.

Von Walter Fröhlich