Wafrös alemannische Dialektik vom 3. September 2008

Also do dät i die gröscht Wett mache, dass vill Leit it wissed, wo Seelfinge liegt, i dät sogar behaupte, dass die meischte, wo des it wissed, den Name wahrscheinlich no garnie ghört hond. Debei liit des Seelfinge eigentlich direkt vor unsere Haustür, weil die winzige Ortschaft nämlich en Ortsteil vu Stockach isch. I dem Dörfle hot's kone große Dichter und Schriftschteller, wenigschtens woss i vu kom, und bi de Olmypiade z Peking hot au ko Seelfingere und kon Seelfinger ä Medaille gwunne, was de Seelfinger wahrscheinlich scheißegal isch. I hon des unanschtändige Wort etz grad ganz bewusst braucht, weil äbe grad die Materie i minere heitige Dialektik des so genannte Generalthema wird. S giit so vill Scheiß uf de Welt, iber den mer it schreibe derf oder sott, dass'es fir mi grad wie ä Erlösung isch, wenn sich des reizvolle Thema mir mol direkt ufdrängt. Nei, sie hond bi de Olympiade nix gwunne, d Seelfinger, aber mer hot z Seelfinge gwinne känne und it emol wenig. Dert isches nämlich de Brauch, dasses ä so genannte "Kuehschiss-Lotterie" giit, wo's suscht uf de ganze Welt näene meh giit wie äbe grad z Seelfinge. So en geniale Gedanke ka nu imene Ort ufkumme, wo's no Küeh gibt und it nu Auto und Traktore. Nadierlich giit's iberall Küeh, und s wäred all meh, aber die hond kone vier Füeß. Sie lond sich ihre Milchgschirr au prämiere, wie bi däne Landwirtschaftsausschtellunge, aber fir so ä Seelfinger Kuehschiss-Lotterie wäred se untauglich. Die Kuehschiss-Lotterie funkzioniert nämlich genial. Ufeme Schportplatz wäred mit Sägmehl so um die zweiehalbtaused Felder eizeichnet, jedes 80x80 Santimeter groß und die Felder hond Nummere. Etz ka me Los kaufe und die effentliche Ziehung isch denn des, wa die gschwollene Schwätzer hüt als ä Event bezeichnet. Bi uns und z Seelfinge isch des ko Event, sondern ä Fäscht, ä Gaudi oder en Sauschpaß. Wenn s ganz Dörfle versammlet isch, no wird ä Kueh uf den Schportplatz gfihrt und uf des Viereck, uf des wo die Kueh z'erscht scheißt, die Nummer hot gwunne. Des isch en dermaße riesige Spaß, wo niemerd verletzt wird, wo me ko Tier quält, wo's eifach nu luschtig zuegoht und sgiit au no en Sieger! Usgrechnet en Hamburger hot des Johr fimfhundert Euro gwunne. En Hanseate isch also Sieger im deutschen Süden i de Seelfinger Kuehschiss-Lotterie wore. Debii hond die Seelfinge it emol ä Turischtikmarketing, aber dodefir ä echte Kueh usseme echte Schtall und ko Nochbildung vume Laufschtäg! "Kufstein" hot se gheiße, die Kueh, wo des Johr die Gwinnbringerin gsi isch. Alefänzig wie Küeh aber menkmol sind, hot se anschtatt verhebe, direkt vor em Schtadion, also vor em Schportplatz nomol en Pfladder hinde use lo. Etz hot halt des zahlreich erschienene Publikum wengele lang warte möße, bis se wieder frisch glade ghet hot. Aber s hot dennn no prima klappt und der Hamburger hot sich noch dem Zweitschiss vu de Kufstein uf sei Feld richtig wohl gfihlt. Die Welt isch gnudlet voll mit Kampf, des wäred jo die meischte wisse, uflöse dät sich mancher Krampf, hett glei ä Kueh druf gschisse!

Von Walter Fröhlich