Wafrös alemannische Dialektik vom 3. Dezember 2008

Do ka'mer oner sage waner will, s goht nix iber ä solide Bildung und fir die moss mer halt au ebbes tue, suscht bliibt me ewig bled und wer will des scho. Fir ä guete Bildung brucht me hüt s Fernsäeh, weil mo do glei sieht, wa me hört, manche hond lieber s Radio, weil me's iberall hi mitnäeh ka, aber s Bescht zum sich bilde isch halt alleweil no ä Tageszeitung, weil's do Bilder hot und Nochrichte mitenand. Etz nitzt aber die bescht Zeitung nix, wemmer se it liest, des isch wie ä Lexikon, wo nu im Schrank schtoht. Im Kopf sott mer's ho, it im Schrank, aber fir ä Lexikon im Kopf brücht me en Kopf wie en Schrank und wer hot des scho, aber ä Zeitung am Morge früeh ufem Kuchetisch, des isch en Blick i die Welt vu heit und schpäteschtens nochere halbe Schtund Beschäftigung mit dem Blatt, oder däne Blätter, bisch du uf de Höhe der Zeit. Zerscht guckt me nadierlich wer gschtorbe isch und wemer sin Name it liest, no woss me, dass mer no läbt. Des isch scho s erschte positive Gfihl.
Die vordere Siite mit dere Bolidik sind beischpielsweis fir mi it so intressant, weil des wa die oene saged, die andere falsch finded und fir die echte und grosse Problem hond se sowieso kone Lösunge, drum ka i au d Wirtschaftsseite glei uf d Siite lege. Die Grosse grieged all meh und wenn wieder mol on usefliegt, weil er de Lade i d Scheissgass gfahre hot, no gänd'sem no ä Abfindung, do kännted no sine Enkel devu läbe, ohne dass se ge schaffe mössted. Dass en Hufe Mensche zwenig oder nint zum Esse hond, des isch nint neu's und dass uf de andere Siite vu de Welt Kinder verhungered, des woss mer jo au efange. Die Meldunge, wievill Lüt wieder bi däne Anschläg umkumme sind und wievill sich wieder i d Luft gschprengt hond, damit se selber au in Himmel kummed, die wäred all kläner, wenn i richtig sieh, weil des, wa all Tag bassiert, uf Dauer langweilig isch.
Nai wa mi intressiert, des sind die gsellschaftliche Nochrichte us aller Welt, dass se zum Beischpiel z Dubai ufere kinschtliche Insel ä Hotel ereffnet hond, miteme Feierwerk, wo 16 Millione Euro koscht hot. Atlantis heisst die Hartz IV Herberg und hot 1539 Zimmer. Ä Luxus-Suite koscht pro Nacht 35 000 Dollar. Do käm i mit mim Honorar fir mei "Dialektik" it weit! Aber de Boris Becker isch iber den rote Deppich gloffe, allerdings 15 Minute vor sinere Braut, weil se nämlich Krach mitenand hond. Sei Sandy hot'em ä SMS gschickt, dass se etzed Schluss mache mecht, obwohl se hond hürote welle. Sie hond scho gwisst wenn und wo, aber sie hond halt gschtritte. D Sandy hot bis zum Schluss glaubt, dass se's nomol nagrieget, aber s goht nume und der arme Boris war "völlig iberrascht."
Des sind die Nochrichte wo mi erschittered. Wenn i nu dra denk, dass der Boris mit dere bildschäne Barbara verhürotet war und trotzdem no one näbedher i de Besekammer vernascht hot, wa war des ä Drama, wo d Welt bewegt hot, wo die gschiede wore sind. Die Barbara hot scho lang wieder on, de Arne Quinze, mit dem delefoniert se schtundelang, weil er z Belgie läbt und sie z Miami. Sie häb ihm des schtundelange delefoniere zerscht beibringe mösse, weil er nu kurze Gschpräch gwähnt gsi isch. Des ka i mir guet vorschtelle, wa schwätzt mer au so lang mitenand, wemer ko Alemannisch ka?
Ibrigens isch die Paris Hilton au scho wieder solo. Sie sei traurig iber die Trennung wo se sich doch ersch vor neun Monet känneglernt hond Ihren Musiger, der Rocker Benij Madden findet se zwar "zuverlässig und süss," aber die Trennung sei unvermeidlich gsi. Do lob i mir sellen Michael Jackson, weil der sine inneren Werte pflegt. Er isch etz zum Islam ibertrete und des isch en herbe Verluscht vu de chrischtliche Welt. S dät me it wundere, wenn der sich eines Tags so en Schprenggürtel zuelegt, damit er schneller is Baradies kunnt. Zuetraue dät is ihm scho, wa hot der it alls scho gmacht, wo me sich a de Kopf glanget hot. Und wer Zeitung schtudiert, der langt it is Leere, wenner a de Kopf langet. Mir wenigschtens gohts eso.

Von Walter Fröhlich