Wafrös alemannische Dialektik vom 29. April 2009

Finded Ihr etz it au, dass efange viel g'schosse wird so umenand und dass es scho fascht i de Zeitung zu de Regel g'hehrt, dass uf irgend onere Siite ä Meldung schtoht, dass wieder ebber verschosse wore isch. Guet, Mörder hot's alleweil gäe, solang's Mensche giit und Gründ zum en andere umbringe gibt's au, solang's Mensche giit. I de Urzeit isches um d Nahrung gange, oder um's Revier und s isch fascht immer drum gange, dass on im andere ebbes weggnumme oder schtreitig gmacht hot. Im Kampf ums Dasein hot's halt g'heisse, entweder der oder i. De erschte Mord i de Bibel hot scho ä feinfühligers Motiv ghet. De Kain war nämlich eifersüchtig und kränkt, weil dem Herrn s Opfer vum Abel wohlgefälliger war als sein's. Do hot me scho vume Motiv schwätze känne.

Sie hond enand denn uf d Siite tue wägem Vermöge, wäge de Schtellung i de Sippe und wägem Grund und Bode..I dem sich all meh enwickle vu de Liebe zwische Wiible und Männle hot die gegeseitige Umbringerei en neie Schub griegt. Under dem Motto, "es ka de Frömmschte it in Frieden läbe, wenn ihm die schöne Nachbarin gefällt," hond se enand im Lauf vu de Gschicht häufig de Garaus gmacht. Weil die Art vu Liebe it grad selte vu kurzer Dauer isch, entbrennt se ufs mol zunere andere Frau, aber die ghört halt au zume Andere. Finded die ander de Ma vu de andere au schäner und mached se weng Trigeletrageles mitenand, des goht fascht immer schief und zum Schluss moss on vu däne beide Männer is Gras beisse, oder aber d Frau vum oene bingt ihre Rivalin um.

Die Ehe sei ä heilige Instituzion, lehred die Kirche und durch des Sakrament der Eheschliessung krieged die Partner die Standesgnade, die defir sorgt, dass beide in Liebe und Treue miteinand alt were känned. Oft wird aber de Ma scho "de Alt," bevor er alt wore isch und so goht's de Fraue au. Us dem Goldkäferle vu domols isch bald "die Alt" wore, vor dere mer flieht, wenn's nu grad goht. Die Fluchte is Wirtshaus hond uf Dauer verheerende Folge. Dauernd bsoffe verringeret de Verdienscht, macht den Kerle aggressiv und denn grieged Frau und Kinder Prügel. bis die Mamme mol usraschtet, ka's Johre daure, aber eines Tages haltet sie des Folterläbe nime us und denn erläbt viellicht der säumige Ernährer der Familie sin letzschte Rusch, us dem ihn ä gusseiserne Brotpfanne is Reich der Seligen beförderet.

S gibt aber immer wieder au de umkehrte Fall, wo Er sei Alte nume verschmecke ka, weil se älter wore und abgschafft isch und nume so ussieht, wie die Schlamp, wo er sich ame Trese a Land zoge hot. Nochdem des Aas ihm au no dauernd ufhockt mit dere Meinung, er soll etz doch mol endlich en Strich zieh, holt er im Keller uf dem Pfoschte die eigfettete und eigwicklete Pischtol vu sim Vadder ussem Weltkrieg und etz schnufet sei Alte nume.

Des isch alles firchtig, aber dehinder schtond no fassbare Erklärunge, wo mo no seelische Zammehäng erkänne kännt, obwohl etz grad die Beziehungsmorde,a de Tagesordnung sind. Allhek verschiessed junge Männer die Fraue, wo die Bezieung abbreche wänd. Wa isch aber des, dass en Bue mit sim Freund zämme sine beide Schweschtere und glei denoch no Modder und Vadder verschiesst? Wa isch des, wenn en Schüeler 16 Mensche umbringt und in Finnland oner 8. In Colorado verschiessed zwei Schüeler 12 Mitschüeler und en Lehrer und z Erfurt ermordet ein 19 jährige 16 Mensche mit automatische Selbschtladewaffe? do isch en neie Menschetyp entschtande mitte us unsere Gsellschaft. Ob do no weng ebbes nochzitteret us dere Ziit, wo Millione Dote ko Roll gschpillt hond? Ob sich do im Unbewusste en neie Archetyp oemeds verfeschtiget hot, i wosses it. De Hacker, de Lorenz, de Fromm, de Safranski und de Eibelsfeldt sind i ihrne Büecher noh dra, aber dehinder simer no it kumme. Nu miteme neie Waffegsetz wäremer au it vill verhindere, do mössemer scho diefer grabe I glaub, dass des sogenannte Böse ä Myschterium isch, aber mit de Myschterie hond se's hüt glaub nime so.

Von Walter Fröhlich