Wafrös alemannische Dialektik vom 28. November 2007

Also die Professore a de Konschtanzer Uni sind denn scho Käpsele, des moss mer neidlos anerkänne., bsunders selle fir klinische und Neuropsychologie.. Sie hond nämlich feschtgschtellt, dass d Leischtungsfähigkeit vum menschliche Gehirn im Alter abnimmt, und dass d Vergesslichkeit zuenimmt. Also bsunders neu wa mir des it, ganz im Gegeteil. Mer wunderet sich jo, dass me all no bleder wäre ka, als mer scho isch und schtellt fescht, dass der Prozess fortschreitet. Etz sind se aber zu dem Ergäbnis kumme, dass au ä erwachsenes Gehirn neie Nervezelle bilde ka. S Gehirn verliert nämlich wie d Muskle im Alter a Subschtanz und wemmer des genauso wie d Muskle forderet, no bilded sich neie Zelle und mer ka de Verbledung Einhalt gebiete, me ka also den Prozess schtoppe. Me hot des feschtgschtellt a Londoner Taxifahrer. Je meh die i dem riesige London rumkesslet sind, je meh hot sich bi däne de Hipocampus vergrösseret. Des isch ä Region im Hirn, wo fir s Gedächtnis verantwortlich isch. Je meh und je länger se sich i dere komplizierte Grosstadt hond z'rechtfinde mösse, umso meh hot sich bi däne s Gedächtnis verbesseret Wenn also s Hirn bsunders beanschprucht wird, no wird's träniert, wie d Muskle und bildet neie Zelle!Etz unsereins ka jo it de ganz Tag ime Auto z London, oder inere andere Grosstadt umenandseckle, mir bruched andere Träningsmethode. Memory und Kreizworträtsel däted do it lange, moned die Professore, aber weil au s Gehör all miserabler wird, langts it, dass me de Fernsäher lauter schtellt. Des nimmt im Hirn nu d Arbet ab und die Verbledung schreitet fort. Mer sott under d Lüt, sott ussem Hus und sott aktiv am Läbe teilnäeh und vor allem körperlich aktiv bliibe. Denn hond se feschtgschtellt und sind zu dem Ergäbnis kumme "Schport macht schlau!"Tschogge, Walke, Schwimme, Radfahre, Tanze, Treppeschteige und Tennis, des seied die wichtigschte Methode zum fit bliibe, denn wenn de schnufe mosch wie ä Ross, des regt die graue Zelle a und denn wäred i beschtimmte Hirnregione neie Nervezelle bildet. Wägewarum des so isch, hond se no'it usegriegt, die Forscher, des isch au it nötig, Hauptsach s isch so. Dreimol tschogge i de Woch, des wär die bescht Empfehlung, moned se, aber des schaff i it. Dodefir fahr i etz wie die Londoner Taxifahrer jede Woch mol durch Singe, Radolfzell und Konschtanz. Do sind jo i allene drei Schtädt alle Woch neie Bauschtelle und s brucht ä bsundere Intelligenz, mit dere wo me feschtschtellt, wo derf i etz num und wo gohts wiiter. Denn will i mol luege, ob min Hippocampus it am End au grösser wird.Wani no vergesse hon, des isch de Fuessball! Do rennt me und schnufet und schwitzt. Des isch s'totale Träning firs Hirn und etz isch mer au klar, wieso die Fuessballer alle so intelligent sind. Sie hetted im Kaiser Franz, also im Beckebauer eigentlich scho de Lehrschtuehl vum Romano Guardini aabiete känne, aber sie hond en andere gnumme, weil se no it gwisst hond, wa se etz wissed. . .

Von Walter Fröhlich