Wafrös alemannische Dialektik vom 28. Juni 2006

Ha des hon i etz au it gwisst, dassen UHU en Mensch iber fuzge isch, also »Under HUndert«. Wenn oner aber no kone fufzge isch, no saged se, des sei en »UFU«, also »Under FUfzge«. S isch scho weng ä magische Zahl, die 50. Do liet mer heit scho i dere Kurve, wo's di usehaut, wo se moned, mer dät Roscht aasetze und eigentlich scho zum alte Eise ghöre. Etz giit's aber au no Firmene, wo se dere Meinung sind, dass mit fufzge s Hirn eigentlich ersch richtig afangt pfuzge, aber zu sonere Erkenntnis ka mer halt nu kumme, wemer ä Hirn hot. Nadierlich hot jeder Mensch ä Hirn, aber s giit firchtig vill Lüt, do hot des Organ d'Funkzion vunere glöschte Feschtplatte. One vu däne Firme, wo mer als UHU no ebbes gilt, isch mei Schparkass und die hot neilich iiglade zunere Geburtstagsfeier, wo on vum UFU zume UHU beförderet wore isch, also sin Fufzger gfeieret hot. Eigentlich woss i it so räet, wägewarum mer mich zu some fäschtliche Anlass eiladet, aber gfreit hot's mi nadierlich trotzdem mordsmäßig und denn honn i trotz Hitz ä Hemb und en dunkle Azug mitsamtere Krawatt azoge und bin de andere Lüt nochgloffe, wo au eiglade gsi sind, und zmol war i denn obe im Vortragssaal. Sovill schäne, ahmächelige Fraue, wo om ä Glas Sekt kredenzt hond, ka me hüt eigentlich nu no uf de Schparkass säne. Richtig schä fraulich eikleidet, ä Fäscht fir d'Auge grad jede! Do kasch nu luege und di freie. De so genannte Jubilar war de Udo, aber etz wäred die meischte vu mine Leser wieder it wisse, wer de Udo isch. Des isch de Direkter Udo Klopfer. On wovu ganz unde kumme, und weil er ä Kpäsele isch, ganz obe glandet isch. I hon zu dem Udo ä ganz persenliche Beziehung, denn wenn der it wär, no mößt i etz wahrscheinlich irgendwo ime Gartehüsle vum Rote Rettich schlofe und wohne. Wod ALU ihrne Werkswohnunge vescherblet hot, isch mir des Hus abote wore. De domolige Direkter vu de Sparkass, min Freund Heinz, hot gmont, i soll's mache, sie däted des scho schaukle. Denn hon i möße zum Udo, der war domols so ebbes wie Berater, und vor dem simer gsässe, die Mei und i, und der Udo hot grechnet und gschriebe und nomol grechnet und nomol gschriebe und war zu dem Simpel, wo ko Ahnung ghet hot, also zu mir, so lieb und s hot klappt, s Hus ghört etz scho fascht mir. I hon ihm fescht d Hand druckt und hon mir denn hinde ime Eckle alle die Lüt aglueget, wo kumme sind und wo do wared. Mer mößt eigentlich sage, wer war it do? All's wa Rang und Name und Geld hot oder kons hot. Vill hond Gschenkle underem Arm ghet und i hon so bi'mer denkt, des sind sicher selle, wo no en größere Kredit bruched. Mer sieht's de Lüt it a, ob se im Soll sind oder im Haben. Bi sonere Geburtstagsparty säned alle gliich us! I hon mi all meh is Eckle inedruckt und Auge und Mul ufgschperrt, wer do all's um mi rum gsi isch. Mer kriegt scho leicht Minderwertigkeitsgfihl, aber denn hon i mi wieder tröschtet, weil i mir denkt hon, do sind sicher au sottige drunder, wo genauso arm sind wie du, blos lond se sich nix amerke. Rede sind denn ghalte wore und zum Schnabuliere hot's no herrliche Sache gäe, dass i itemol meh hon koche müeße. Wam i au no begeischteret hot: Andere Firme mond sich fir so ä Iwänt ä saumäßig teiers Orcheschter miete, aber d Schparkässler hond ä eiges und die Musig passt genau zu däne Bedienunge, flott und schääää!

Von Walter Fröhlich