Wafrös alemannische Dialektik vom 27. Oktober 2010

S hot emol en Schlager gäe, der hot gheisse »Wunder gibt es immer wieder« aber den känned die Junge nume, weil die etz andere Schlager druf hond, wo mir Alte numme verschtond, weil se englisch sind. Aber Wunder giits alleweil no und au »imme wieder.« S gibt au Leut, wo weng nochhelfed, dass ufs mol ä Wunder gschieht, wo mer's garit vermuetet. Ä Angschtellte im Rheinland war verzweiflet, weil se s Konto uf de Bank hoffnungslos iberzoge hot. Anen Kredit War itemol z'denke. Etz war d Miete fällig, s Gehalt isch ersch i zwei Woche kumme und s Töchterle hett solle ä Klassefahrt ge England mache, aber sie hot kone fimf Cent me im Geldbeitel ghet. S isch ä Wunder gschäeh! Am Tag druf wared 2500 Euro ufem Konto. Die Filialleiterin, ä Dame beinah i de sechzge hot us schierem Mitleid ime Rentner, wo Weit iber 150.000 Euro ufem Konto ghet hot, aber scho drei Johr nume uf de Bank war, die 2.500 abbuecht und dere verzweiflete Agschtellte uf ihre Konto tue. Die Filialleiterin isch vum Lehrling durch Fleiss und Seminare ufgschtiege bis se so ä Näbeschtell vunere Bank hot leite känne und derfe. Sie hot des Geld nadierlich wieder griegt und weil des so guet klappt hot, sind am laufende Band »Wunder« gschäeh. Sie hot viele Kunde vor em finanzielle Abgrund bewahrt. Konnte hot se ufgfüllt, Kredit erhöht, Iberziehunge ignoriert. Als Leiterin hot se Einblick ghet i alle Vermögensverhältnisse vu ihre Bankkunde, hot des Elend erläbt vu däne, wo nie hochkumme sind, vu däne wo all Pech ghet hond und die Not vu däne viele hot'ere schier s Herz abdruckt und sie hot nie »nein« sage känne. Sie war hochgeschätzt, geehrt und geachtet. Etz hond se nadierlich vill vu däne Verzweiflete hänge lo und hond nume zruckzahlt und ihre Wundertätigkeit ischere allmählich iber de Kopf gwaxe. Kon vu allene däne,wo se abbuecht hot, hot ebbes gmerkt, aber noch ä paar Jährle hot die Wundertätigkeit 2.390.219.79 Euro usgmacht. Kon Pfennig fir sie selber, alls nu fir andere, alls us Mitleid und omol hot en pensionierte Beamte sine Zinse iberprüft und isch dehinder kumme, dass do ebbes it schtimmt, no isch die ganz Nächschteliebe ufgfloge. Kon hotere dankschön gseit und alle hond se die guete Fee hange lo. D Bank hot welle ko Azeig erschtatte, no hot se one azeigt, dere ihrem Maa se hot au us de Patsche gholfe, aber die war vu ihrem Alte gschiede und usgrechnet die Schnalle hot se azeigt. D Schtaatsanwältin war perplex, hot Nu de Kopf gschittler und gmont, so ebbes sei'ere no nie begegnet. De Pflichtverteidiger war de Meinung, »seine Mandantin unterhielt eben kein übliches Betrugssystem, sondern ein Samaritersystem.« 22 Monat uf Bewährung hotere der Richter gäe und alle Beteiligte a dem Prozess hetted am liebschte d Auge zuegmacht. Etz läbt se vu Hartz IV minus 60 Euro Rückzahlung und pflegt ihre kranke Mamme und niemerd duetere äbbes ufs Konto, eifach so als Wunder. Bim Matthäus und bim Lukas schtoht die Gschicht vu den Talenten, wo de HERR selle lobt, wo sei Geld vermehrt hond und sellen ausschimpft, wo sei Geld vergrabe hot. »Hättest du mein Geld wenigstens auf die Bank gebracht« Wo i die Schtell i de Bibel gsuecht hon, isch se i mim Lexikon unter dem Schtichwort »Zins« gschtande und do wared au alle Schtelle iber »Wucher« ufgfihrt. Ufem Tisch isch grad min Kontoauszug gläge und do isches so, dass i fir mei Geld ufem Girokonto nint krieg. Wenn i Geld bring, no grieg i 2% Wenn i aber Geld bruche dät, no moss i 18,5% zahle I will etz it vu Wucher schwätze, aber wenn de HERR heut nomol predige dät, no dät er beschtimmt zu sellem, wo's Geld vergrabe hot sage: Du hosch bigoscht Recht ka!

Von Walter Fröhlich