Wafrös alemannische Dialektik vom 26. Oktober 2005

Etz war's halt eifach Zeit. S isch nume gange und die Mei hot sich durchgsetzt. Eigentlich hot se sich garit durchsetze möße, weil i vunim selber dehinder kumme bi, dass i schlicht und eifach dollohrig bin, uf deitsch, dass i halt nume so guet hör wie ander Leit höred, oder höre sotted. Im Theater hon i d Schauschpieler nume ghört, wa se deklamiered, und wemer ä Schtück alueget, aber it verschtoht wa se schwätzed, no isch des nu de halbe Theatergenuss. Wenn i denn a mim »Lauschohr« vum Versandhaus fir 28 Euro rumdrillet hon, no hot des allweil pfiffe und die Lüt links und rechts und hinde und vorne hond sich iber die Pfeifferei beschwert. I de Kirch honi so guet wie nix verschtande. Des war mer zum Teil itemol peinlich, weil sich mei Uffassung oft it mit dere vum Pfarrer deckt. Aber alleweil elei mitem Herr-Gott schwätze, während die andere ebbes ganz anders saged, isch jo au it des, wa mer undere Gemeinde verschtoh sott. Am Allerschlimmschte war's aber alleweil bi de Beerdigunge i de Leichehalle, wo mer besser Einsegnungshalle sage sott. Wenn die Pfarrer so winseled und so lischpeled anschtatt is Mikrofon z'schwätze und moned, wenn se nu de Kopf schief hebed no dät's des, do hon i känne jedesmol verruckt were. Omol ho i ganz laut gsagt, »wenn der doch endlichmol s Mul ofmache dät«, no hot all's ringsrum lache möße und des isch jo au it grad angebracht binere Leich. Z letscht bin i denn eifach doch zum Ohrearzt und der hot me mitere hübsche junge Frau ine schalldicht's Kämmerle gschickt, wo se mir Kopfhörer mol links und mol rechts ufgsetzt hot, je nochdem, uf wellem Ohr i nint höre sott, damit mer usefindet, welles Ohr s mindere isch bim Höre.Useme Lautschprecher sind denn Wörter ertönt, woni hon nochschpreche möße und do hett i mi känne dotlache, weil mer bi jedem Wort glei ä Versle eigfalle isch, oder ä anders Wort, wo zu dem basst, wo us dem Lautschprecherle tönt hot. Etz wenn aber wer glaubt, dass des schäne junge Frauezimmer au nu ä onzigs Mol hett lache möße, wenn se mich hot lache säeh, der hot sich gschnitte. Ko Miene hotse verzoge, die junge Schöne. I glaub halt alleweil, dass schäne Fraue it lache derfed, weil se Angscht hond, s dätene ebbes verrutsche. Aber lach emol it, wenn de Wörter sage mosch wie »Rind, Kuh, Marsch, Deckel, Mann, Brunst, lahm, Mut, steif, Hund, Trotz und so weiter.I derf gar it sage, wa mir bi däne Wörter all's durch de Kopf gschosse isch. Minere Prüferdame isch aber wahrscheinlich nu durch de Kopf gschosse, dass ihren Patient en Schuss hot und i moß sage, des kränkt om eigentlich weng. Aber seit i etz mine neue Ohre hon, kränkt mi nix meh. Etz hör i nämlich wieder Sache, woni scholang nume ghört hon, und des wirkt sich nadierlich au uf mei Schreiberei aus ...

Von Walter Fröhlich