Wafrös alemannische Dialektik vom 24. August 2005

Des tägliche Schtudiere vu de Zeitung ka efters ganz schä ufregend sei. Zum Beischpiel, wenn de scho bim z'Morgeesse liesesch, dass d'Mediziner etz Alarm gschlage hetted, weil se z'Berlin a de Scharitee ä Schtudie gmacht hond, wo usekumme isch, dass de Zucker i de näkschte zeh Johr die häufigscht Ursach isch, a dere wo d'Lüt schterbed. Dezue kummed no s'Ibergwicht und d'Altersdemenz. Etz mit dem Zucker hon i gottseidank kone Problem. Womi neilich de Hausarzt mol gfrogt hot, was macht eigentlich ihr Zucker, no hon i wahrheitsgemäß sage känne, »nix, Herr Dokter, er zuckt nume!« Dass mer früener schtirbt, wemer zvill frisst, des hon i au scho lang gwisst, aber des mit dere Altersdemenz hot mi saumäßig beunruhigt, weil i it so räet gwisst hon, wa eigentlich ä Demenz isch. I mim Fremdwörterlexikon sind sie glei fertig mit de Erklärung. Do schtoht nu »lateinisch: Schwachsinn, Blödsinn«. Etz mei großes Lexikon war denn scho weng ergiebiger. Do underscheided se nämlich zwische me erworbene Schwachsinn und me angeborene. Etz wa isch en erworbene Schwachsinn, wa isch ä erworbene Bledheit? Wenn sich ebber am Alkohol bedient, bis er sine Hirnzelle versoffe hot und verbledet, hot der etz sin Schwachsinn erworbe, oder ischer angebore? Do schtreited d'Mediziner heit no driber, obwohl se dezue neiged, dass se saged, de Alkoholismus sei ä angeborene Krankheit, aber des isch jo au it mei Problem. I hon defir bim Kämme alleweil Angscht, ob der weiße Schtaub uf mim Kittel nu Schuppe sind, ober ob des schlicht und eifach etz de Kalk isch, wo mir ussem Hirn rieselet. Bi dem kalkhaltige Wasser, wo mir hond, do goht wahrscheinlich au die Verkalkung schneller, als bi sellene, wo ko so ä kalkig's Wasser hond. Des mit dem angeborene Schwachsinn isch ä schlimme Sach, do mecht i itemol dra denke. Nu derf mer jo it glaube, dass alle Blede ame angeborene Schwachsinn leided. Guet, ä alt's Schprichwort sagt jo »bled bleibt bled, do helfed kone Pille«, aber i glaub it, dass de Volksmund mit dere Weisheit de angeborene Schwachsinn mont. I woß nime, war's de Marcuse oder en andere Filosof wo den Satz vu de »selbstverschuldeten Unmündigkeit« gset hot. Des sind selle, wo all gliich bled bliibed, weil se ums Verrecke nix dezue tue wänd, dass sich ihre Bledheit wengle verringeret. Neilich war a de Kass vum Supermarkt ä junge Frau vor mir und hot fimf Heftle uf die Theke glet, und wa fir Heftle, und obe druf war BILD. S war ä richtig schäne junge Frau und i hon nu bi mer denkt, jo ka me au so bled sei und so en Schund läse, wemer so jung und so schä isch? Drum isch des mit dere Altersdemenz zwar ä schlimme Sach, wenn om des Hirn nume folget, aber isch die Jugenddemenz am End it genauso schlimm, wenn se sich s'Hirn zuedunnered mit all dem Scheiß, wo mer ne hüt verkauft. Vu de bolidische Demenz will i glei garit schwätze. Schlimm, schlimm, ka mer do nu no sage ...

Von Walter Fröhlich