Wafrös alemannische Dialektik vom 2. November 2000

Wahrscheinlich goht's it nu mir so, dass i momentan inere diefe Depression schteck, do dät i mi jo grad driber wundere, weil jo ganz Deutschland inere Krise schteckt, wo om s Läbe ko Freid meh macht, wo mer am Morge am liebschte gar nime ufwache mecht, weil om s Elend scho us em Briefkaschte aagrinst, wemer Zeitung useholet und die Schlagzeile liest. Dass die baskische ETA wieder zwei oder drei verschosse hot, dass es zwische de Araber und de Israeli wieder Dote gäe hot. Und dass verschiedene Flutwelle do und dert Landschaft zuedeckt hond und ä paar hundert Mensche versoffe sind, des macht om nime vill aus, weil des jo de übliche Lauf der Welt isch, aber die neueschte Kataschtrofemeldunge vum Sport, die reißed om denn scho ä ghörigs Loch is Gmüet. S langet scheint's it, dass bi de Leichtathlete on Doping-Skandal nochem andere ufdeckt wird, dass mer Gwichtsheber reiheweis iberfihrt, nei etz sind au no unsere Fueßballer i de Schusslinie, die Lieblinge unserer Nazion, unsere hart arbeitende Kicker. Kaum hond se sich ufegrackeret, under Einsatz vum Läbe die erscht Million ufs Konto brocht, do groted se no vill diefer i de Schtress und denn ergreifed se automatisch die Flucht vor sich selber und fanged a saufe und schnupfe. Etz isch des aber so, dass vill Sportler sufed, nu wissed die meischte, wenn se wieder ufhöre mond. Au de Sportler moss wisse, dass er nime weiter saufe derf, wenn er anstatt Alkohol nu no Alolol sage ka. Sämtliche Athlete sotted sich ä Beischpiel näe a de Rennfahrer. Selle saufed de Schampanjer it, die schpritzed enand nu a demit. Unsern Schumi isch als ganz nass-gschpritzt vu obe bis une, aber do devu wird mer it bsoffe. Ähnlich isches mit de Kicker und em Schnupfe. Vu allene dene Mitglieder vu unserm Schnupfverein dät binere Dopingkontroll ko onzigs disqualifiziert were. Die haued ganze Ladunge vu Schnupftabak i ihrene Naselöcher und ziehned se is Hirn ufe, aber des isch äbe reine Schnupftabak und kon Schnee! Wenn's wenigschtens Schnee wär, wa die Kicker schnupfed, no hett mer jo nint degege. Wer Schnee schnupft, griegt hekschtens ä Rotznase, aber der Schnee, wo die schnupfed, isch Kokain! Des isch ä Deifelszeigs, weil des s Bewusstsein veränderet. Wer des Kokain schnupft, fihlt sich glei als Ibermensch. Do kummt sich de Azubi vor wie en Generaldirekter und ersch wener de Geldbeitel ofmacht wird er wieder nüchtern. D Leischtung schteigeret sich is Unermessliche und etz hond se de Christoph verdwischt. De erfolgreichschte Fußballträner, wo hett solle unsern Bundesträner were. Ame Büschele Hoor hond se mit ihrene Annaliesegerät usebrocht, er hett gschnupft. Und des liest mer am früehe Morge, do kasch doch nu no depressiv were. S will om nicht i de Kopf. Im Mayer-Vorfelder sin Kopf will's au it. Wa hot der Maa gschafft und grackeret, bis er sei Luxusvilla uf Mallorca hot aaschaffe känne und etz des. S isch en Schicksalsschlag it nu fir de Fußball, s trifft die ganz Nazion. Etz kännt mer doch mol Halbmascht beflagge, aber die Bolidiker wissed it, wa uns traurig macht!

Von Walter Fröhlich