Wafrös alemannische Dialektik vom 17. September 2008

Des schäne alte Kirchelied, wo d'Bordkapelle no uf de Titanic gschpillt hot, während se untergange isch, "Näher mein Gott zu Dir," des känne'mer allmählich au schtreiche. Weil's nämlich all wiiter weg goht vu dem Gott, wo Himmel und Erde erschaffe hot. Den giit's nämlich nume, weil alls wa erschtande isch durch de Urknall wore isch. Do ka sich de Normalbürger so guet wie nint drunder vorschtelle, des brucht'er au it, weil d'Naturwisseschaftler fir ihn denked und äbe die Naturwisseschaftler entferned sich etz grad wieder vu dem sogenannte Schöpfergott. Also it "Näher mein Gott zu Dir," sondern wiiter weg zu de Entschtehung vum Weltall ussem Nichts, also ussem Nint, verursacht durch de Urknall. Etz froged aber die Altgläubige hartnäckig denoch, wer oder was denn de Urknall verursacht hett, uf alemannisch, wer oder was hot denn ei-gentlich glepfe lo?
Glepfe hond se's etz bi Genf. Dert hond se i dem Kernforschungszentrum ä physikalische Kanone baut, vu it weniger als 27 km Länge underem Bode. Koscht hot des Ding 6,2 Milliarde Euro, wa me au it grad als Piinaz bezeichne ka. Des Inschtrument nennt sich Teilchenbeschleuniger und mit dem ka me de Urknall inere Miniversion nochmache. Do wered Atombröckele bi minus 271 Grad fascht uf Licht'gschwindigkeit beschleuniget, denn loot mer se mitere unbekannte Wucht ufenandglepfe. Bi dem Vorgang hoffed die Forscher, sie kännted Rückschlüss uf die Entschtehung vum Weltall zieh.
Etz sind aber it alle Forscher vu dere Urknallmaschine iberzeigt. Do isch vor allem en Schwarzwälder Professer us Furtwange ä bitzele anderer Meinung. S kännt nämlich au sei, dass bi dem Experiment ebbes i d'Hose goht und zwar it nu de Forscher, sondern am End no uns allene. Do kännt nämlich ä kläs "Schwarzes Loch" entschtande und vor em Ende vu unserm Planet, wo i dem schwarze Loch verschluckt wäre dät. Des hett känne bassiere, denn hettemer uns am Obed nume uszieh mösse, weil mer alle ratzebutz vu dem schwarze Loch verschluckt wore wäred.
Des dät jo grad no fähle, dass die ganz Menschheit ime schwarze Loch verschwinde dät, blos weil die Ibergschiide moned, sie mössted etz endlich mol Gottles schpille und probiere, ob se des Weltall it au selber mache kännted. also mol under uns gsagt, mir isches doch schnurz und piepe, wie des glepft hot, wo angäblich der Urknall des All hot entschtande losse. I glaub halt schlicht und eifach nu, dass nix und nix plus nix wieder nix giit und irgendebbes moss doch den Urknall usglöst hon, weil wo nix isch, do glepft au nix und i ka mi aschtrenge wie i will, i ka a des nix it glaube S isch nadierlich vill nix um mi rum und vu mir selber isch vill nix wore, wo i gmont hon, s'wird ebbes Dass aber des Weltall us nix wore isch, ohne dass des unendliche Sein gsagt hot, "Es werde," des ka i mir it denke. Nu isch des, wa i mir denke ka, au so guetwie nix!
Vu mir us känned se mit dere Urknallmaschine, mit ihrem 27 Kilometer lange Teilchenbeschleuniger mache wa se wänd. Nu sotted se i ihre eiges Loch keie und it alle, wo uf dem Planet läbed, obwohl ufem meischtens die selle s'Läbe verliered, wo unschuldig und au no arm sind, aber fir die Arme uf de Welt homer it vill ibrig. Die 6,2 Milliarde hetted känne ä Loch schtopfe, aber nei, sie produziered lieber schwarze Löcher zum Beweis dass sowieso alls ussem Nix kumme isch. Do ka me nu no sage, oh lond's au knalle, ihr Löcher..

Von Walter Fröhlich