Wafrös Alemannische Dialektik vom 17. Juli 2008

Also wenn ebber no a die »Weisheit des Alters« glaubt, der soll nu warte, bis'er selber alt isch, no wird'er säne, dass des en Trugschluss isch. Nu mol ä Beischpiel: Am letzschte Freitig bin i gege Obed i so e großes Eikaufszentrum gfahre, wo weng usserhalb vu de Schtadt liit. I hon ä neie zämmeklappbare Liege kaufe möße, weil mer die alt zämmekracht isch. Die hon i au glei gfunde und i de Kofferraum tue, aber sie isch it ganz inegange, no hon i halt de Kofferraumdeckel halbe off glo. Etz hon i so bi mir denkt, nimmsch no ä Fläschle Kirschwasser mit, weil i des abot mol bruch, wenn mi de Mage druckt und mei Fläschle dohom war so guet wie leer.Uf dem große Parkplatz hot mei Autole Platz gnueg ghet, denn bin i i d'Lebensmittelabteilung vu dem riesige Eikaufszentrum und hon glueget, wo d'Schpirituose sind. I war richtig schtolz, dass i glei gfunde hon, wa i gsuecht hon. Etz bin i mit mim Schnapsfläschle a d'Kasse und hon mi weng scheniert, weil d'Lüt so komisch glueget hond, wo der weng scho »ältere Herr« a d'Kasse gloffe isch miteme Schnapsfläschle. Sie hond sicher denkt, dass der alt Kerle sich it schämt und no Schnaps suft, anschtatt dass der Kamilletee trinkt. Dass des Kirschwässerle firmi nu Medizin isch, wenn de Ranze rumoret, do sind die it drufkumme, aber so isch halt de Mensch. I bin denn au glei a mei Auto, aber mei Auto, aber mei Auto war nume do. I bi uf dem große Parkplatz hi- und hergloffe, mer hett jo glei vu weitem gsäeh, dass des Paket mit dere Liege hinde zum Kofferraum uselueget, aber mei Auto war niene, war verschwunde, des Auto hond'se mir gschtohle. Dreiviertel schtund bin i uf dem Parkplatz umenandgloffe, mit dem Fläschle i de Hand. Unendlich vill Lüt hond mi gsäeh und vill sogar kännt. Und sie hond denkt, des hettemer etz au it denkt, dass der Wafrö suuft! Und i hon denkt, etz jo it au no bläre, suscht moned se no am End, dass der sich it schämt i sim Alter, z'Obed ume fimfe scho bsoffe! I bin a de Info-Schtand und hon gmeldet, dass se mir sAuto gschtohle hond. Die sind sicher durch den offene Kofferraum eigschtiege, hond Zündung kurzgschlosse und ab mit mim Autole, mitsamt dere neie Liege. Sie hond denn d Bolizei agruefe und die hond versicheret, sie kämed glei. No hot ä Verkäuferin gmont, ob i scho ufem andere Parkplatz gsi sei. Uf de andere Siite sei nämlich nomol on und den däted manche mol verwexle. Etz bin i durch des Eikaufszentrum quer durchgloffe und hon z'mol feschtgschtellt, dass genau uf de andere Siite degliech Eigang isch und wie i zu dem usegang, war de dupfegliich Parkplatz nomol do und do isch mei Auto gschtande, wo i's anegschtellt ghet hon. I nix wie z'ruck zu de Info, sie solled d'Bolizei aruefe, i hett mei Auto wieder gfunde. I war nassgschwitzt, aber wie erlöst, bin hom und hon des Fläschle offgmacht und en kräftige Schluck Kirschwasser gnumme, obwohl's mer im Bauch garit rumoret hot. Denn hon i denkt, vu wäge Weisheit des Alters, so ebbes Bleds wär mer mit vierzge it bassiert, du Simpel!

Von Walter Fröhlich