Wafrös alemannische Dialektik vom 15. April 2009

S isch on vu däne schäne Früehlingsobed gsi und i war eig'lade is Hegau-Haus, dem wunderschäne Plätzle i unserm Singe, um des uns sogar mine Konschtanz-er Freind beneided. De Senior-Jäger hot en ovale Geburtstag g'het und de Junior jäger hot kocht. D Gsellschaft hot sich uf dere herrliche Terrasse zum Empfang troffe und i hon me no weng abgsetzt und uf mei Singe abeglueget Nix isch romantischer als der Blick und wenn d Obedsunne des Städtle no vergoldet, wo so eng a de Hohentwiel aneschlupft, no griegt mer richtige Hoemetgefihle Dert wo d Schtadt afangt, wemer vum See her kunnt, praktisch wie ä Eigangstor, liit unsere ALU, wo mit ihrem weisse Kämi leichtet, als ob er sage wett, ätsch i bin de Gröscht!
Komische, i mecht sage g'mischte Gfihl iberkummed mi jedesmol, wenn i uf se abeguck, oder i Richtung Radolfzell anere vorbeifahr,a minere ALU. Do schteckt immerhin 34 Johr lang mei ganze Fantasie, wan'i ka, de gröscht Teil vu mim Läbe. Und etz lueg i wieder mol uf se abe und s wird mer ganz komisch im Gmüet, weil i woss, dass se a minere, a unsere ALU rumsäged, dass'es it so guet um se schtoht, dass die ganz Schtadt und vor allem die, wo dine schaffed, buechschtäblich um se zittered. S isch eifach de Wurm dine, "Made in ALU" seit se d Schwiizer verkauft hond. I bin kon Profet, aber i hon scho alleweil gwisst, wemmer sonere Tradizionsfirma de Name nimmt, no nimmt me de Mensche, wo dinne schaffed, d Identidät und wemmer im Mensch d Identidät nimmt, des war no nie guet. Blos giits i de ganz obere Etasche und bi sellene, wo de Bulver hond, leider wenig Mensche, wo ebbes vu dem seelische, dem unsichtbare, aber feinfühlige und leicht zerbrechliche Seelematerial verschtond. S in tressiert se au garit.
Sie hot de Name wechsle mösse und etz grad heisst se no ALCAN aber g'höre duet se RIO TINTO. Etz laufed alleweil wieder neie Gerüchte umenand, dass die unsere ehemalige ALU schticklesweis verkaufe wetted, wa nadierlich unweigerlich de Tod vu dere schtolze Singemer Fabrik bedeite dät. D Angscht um de Arbeitsplatz, um d Exischtenz, isch nadierlich au ä Triebfäder fir manche Latrineparole, aber etz grad kunnt no die weltweite Scheisskrise dezue, wo die ganz Weltwirtschaft so durenand bringt, dass ko Sau meh d'rus kunnt. Uf alle Fäll hot's i allene Gschäftsbereich vu de jetzige ALCAN im erschte Quartal vu dem Johr en Verluscht vu 10 Millione Euro gäe, währends im Johr vorher i de gliiche Ziit no 24 Millione G'winn gsi sind. Etz moss mer nadierlich des mache, wa me i allene däne Fäll z'erscht mache moss, mer moss Personal abbaue. S isch en Iberhang do vu 230 Schtelle und die sind fällig. Mer schickt aber etz it eifach 230 Lüt furt, sondern iberlegt fieberhaft, wie me Koschte eischpare kännt, ohne betriebsbedingte Kündigunge. Gottseidank sitzed am ALCAN-Hebel Mensche, wo it nu ä guet funkzionierends Hirn hond, sondern au no die Seele, wo i grad vorher beschriebe hon. S obere Mänetschment i de Wirtschaft glänzt momentan it grad als Vorbild reiner Menschlichkeit, aber sell Singemer ALCAN-Team g'hört it zu dere Sorte, im Gegeteil und do derfemer wahrhaftig froh sei.
Nu oner schteigt etz freiwillig vum Podescht, de Öberscht, de Peter Hutsch! Er isch seit 16 Johr i de Gschäftsführung und 7 Johr war er de Vorsitzende, mir hond do früener gseit, de Generaldirekter. Er hot sich aber nie so bezeichnet und war en oberschte Schef, wo mit em z'Underschte gschwätzt hot. I kenn kaum no jemand, wo garit woss, wa Arroganz isch. Er isch on, wo sich grämt fir de Lade, wo leidet mit sinere ALU, des g'hört etz emol deitlich gsagt, weil er meh als wenig us sich selber macht. Er bleibt i de Gschäftsführung, aber er will nume de Erscht sei. Do ka me nu sage "Reschpekt" Sie solled au mache, wa se känned, Er und sei Team. Des ka und derf doch it sei, dass unsere ALU z'letzscht no schticklewiis verscherblet wird!

Von Walter Fröhlich