Wafrös alemannische Dialektik vom 13. Dezember 2000

Eigentlich mösst ich ä Rente beantrage, weil i ussem Dritte Reich ä schwere Schädigung vu minere Psyche, also en seelische Schade devutrage hon, a dem ich hüt no schwer trag. Weil i mit siebezehne bitzele schwach gebaut worre gsi bi, kone räete Muskle ghet hon, hot min Underoffizier bi de Rekruteausbildung mi all aagschriee: »Mann, lassen sie sich zuscheißen!« Des hot mich beelendet bis hüt, nu wie mer des mache kännt, do bin i bis etz no nie dehinder kumme, aber etz isches mir klar worre. S giit jo unendlich vill neue Büecher, wo se all Johr z Frankfurt uf de Buechmess vorschtelled, aber etz hot de Eichborn-Verlag z Frankfurt ä »Lexikon merkwürdiger Todesarten« usebrocht, wo uf 366 Seite vu A bis Z beschriebe isch, uf wa fir ä Art und Weis Prominente und gwähnliche Mensch z Tod kumme sind. Jo do schtond viellicht Sächele dinne, i dem Lexikon, aber s faszinierendschte Kapitel war fir mi uf alle Fäll des, wo ich etz uf omol, sechsefufzg Johr noch minere Grundausbildung als Soldat, vu mim Underoffizier us Breslau, der wo im Zivilberuf Schauschteller gsi isch, also wo i etz uf omol no erfahre hon, wie des funkzioniert, mit dem »Zuescheiße«. Do hot nämlich z Paderborn en Tierpfleger bemerkt, dass on vu de Elefante scho längere Zeit kon Stuehlgang meh ghet hot, und er hot scho en ganz uftriebene Leib ghet und so ebbes muess en Tierpfleger doch merke. Woner no en Tag lang gwartet hot, ob sich die Sach it vunim selber reglet, hoter denkt, dass mer do mit medizinische Mittele schaffe mösst und hot Abführmittel kauft. Weil aber en Elefant bekanntlich andere Dimensione hot als unsereins, hot der Tierpfleger sim Schützling, dem Elefant, 22 Packunge Abführmittel zum Schlucke gäe und der Elefant hot se brav gschluckt, die 22 Packunge, weil Elefante menkmol it so wählerisch sind und vill is Mul schopped, wa mir it ineschoppe däted. Vielleicht hond se au noch Schokelad gschmeckt, die Abführpille, uf alle Fäll hoter se gfresse, der Elefant. S war ibrigens ä männliches Tier, ko Wiible und so noch fimf bis sechs Schtund hoter denkt, der Tierpfleger, mösst jo eigentlich ä Wirkung eisetze und sei Vermutung war au richtig. Des Blede a dere Sach war nu die, dass der Tierpfleger direkt hinder den Elefant gschtande isch und ufs Mol hot ä gewaltige Explosion schtattgfunde und der Tierpfleger isch buechschtäblich verschtickt i dem Stinkerle vu dem Elefant. Vielleicht isch der Begriff Stinkerle ist so ganz passend, denn do ghört scho ä ghörige Ladung her, bis en erwachsene Mensch im Scheiß verstickt. Den Elefant trifft allerdings ko Schuld, mer stoht au it hinder en Elefant, wenn der Durchfall hot. Mir isch aber die Idee kumme, dass des eigentlich en richtige Ersatz fir die bi uns abgschaffte Todesschtrof wäre kännt, wo so ziemlich alle befriedige dät. Die Schuldige wäred it verschosse, sondern verschisse. Mer moss allerdings druf luege, dass se it verschticked, aber abbutze mond se sich selber. I persenlich find die Idee guet. Des wär doch grad etz, bim Kampf gege Rechts, it emol ebbes Schlechts!

Von Walter Fröhlich