Wafrös alemannische Dialektik vom 11. März 2009

S isch denn scho hoorig mit dere Weltwirtschaft etz grad. Unsereins kummt sowieso nume drus, seit weltweit de Banke de Schnufer usgoht, sodass se däne, wo etz grad en Kredit, also weng ä Geld bruche däted, ko's gäe känned weil se angäblich kon's meh hond. Etz moss de Vadder Schtaat eischpringe und fir die schwindsüchtige Banke Milliarde locker mache, damit it am End no s ganz Finanzgefige s Loch abe goht. Aber zu wa hot mer en Schtaat, doch vor allem dodezue, dass'er hilft, wenn Not am Mann isch. Wenn Not anere Frau isch, do ka'ner it helfe, obwohl jo d Rechtsprechung sei Sach isch. Und wa Recht isch, des moss Recht bliibe. Wenn ä Verkäuferin anderthalb Euro z'wenig i de Kasse hot, weil se ä Cola trunke, aber no it zahlt ghet hot, no moss mer dere de Laufpass gäe, au wenn se dreißg Johr scho i dem Lade gschafft hot. Do isch unsere Juschtiz uf Zack. Wo käme mer au na, wenn sich jeder noch dreißg Johr ä Cola nähme dät und dät se ersch zahle welle, wenn se scho gsoffe isch? Mer moss den Anfängen wehre und mir Deitsche sind do brutal ehrlich. Etz bin i aber vum Thema abgkumme, weil i hon froge welle, woher de Schtaat etz die Milliarde nimmt, mit däne er de Banke wieder ufhilft. Irgendwoher mond se doch kumme, die Milliarde, wo se suscht nie hond, wenn mer se bruche dät. Wemer fir die verkrachte Gsundheitsreform ä Zehntel ineschtecke dät, wa etz die Banke krieged, no brüchted die Dökter it uf d Schtroß ge proteschtiere und die Krankekasse kännted om wieder ä Gebiss zahle, wenn om Zäh usekeit sind.

Am beschte laufed all no d Pille, weil die Farmafabrike no ganz guet dra sind. Etz grad hot de Öberscht vu sonere Fabrik 20 Millione Abfindung kriegt, i glaub, s war fir ä Johr. Irgendwelche hond zwar bissele gmulet, aber de Aufsichtsrat hot's genehmigt. Des hot au mit de Gerechtigkeit z'tued, weil mer it jedem ä Million gäe ka, giit mer om defir zwanzg, denn hot wenigschtens oner ebbes devu. Dodefir gohts de Automobilbransche etz grad it guet. Bi Mercedes ka me im oberschte Schef fir's vergangene Johr anschtatt zwanzg Millione nu no zeh Millione gäe und des isch en herbe Verluscht. Wa däted etz ihr sage, wenn ihr nu no d Hälfte vu dem kriege däted, wa eu zueschtoht? Aber er bliebt bi Mercedes de Schef, er kündigt it. Des nennt me halt Karakter!

Warum die Evoluzion des so eigrichtet hot, dass zum Beischpiel i all no a minere erschte Million rumkrautere moß, des wird mir alleweil ä Rätsel bliibe. Mer sott's it fir meglich halte, aber glaubsch, i krieg die Million endlich mol zämme, it ums verrecke. Immer wenn i wieder mol fimfhundert Euro gschpart hon, no kummt wieder ä Ölrechnung iber 1.708.36 Euro und denn moß i wieder a mei Schparbüechle und a die Reserve woni bruch, zum Versetze vu mim Grabschtei, wenn's mol sowiit isch. Drei Gräber vu mine Freund sind nämlich scho abgrummt, obwohl d Kinder no guet läbed, aber die paar Euro fir's Grab vum Vadder und de Modder fir d Verlängerung der "Ruhezeit" hond se it ufbrocht.

Offe gschtande, wenn i anschtatt 20 Millione nu 10 kriege dät, i glaub, i dät des wegschtecke, ohne mit deWimper zucke. I däm Punkt war i scho alleweil grosszügig. Nu g'hör i halt ine andere Kategorie und dodemit moss i fir Rescht no läbe und i läb ganz guet, weil i grad am Samschtig wieder mol ä Erfolgserläbnis ghet hon. So verbote wie's nu grad goht, hon i mei Autole anegschtellt und bi is Kaufhaus, zum ä neu's Farbband hole. Woni wieder usekumm, sieh i scho vu wiitem, en Zeddel a de Windschutzschiibe und denk, leck mi am Asch, des hot sich rentiert. Woni de Zeddel wegmach, war's ä Werbung, dass i fir 34 Euro mine Wimpere verlängere lo ka und fir 36 Euro ä Gsichtsbehandlung "ausschliesslich von Profis" kriege dät. Des Lächle uf mim Gsicht hot bedeitet, dass'es die Evoluzion mit mir doch sauguet gmont hot!

Von Walter Fröhlich