Wafrös alemannische Dialektik vom 11. Februar 2009

Als Katholik hot mer's etz grad it leicht, weil allhek ebbes passiert, wo me sich froge moss, ob des etz richtig isch, wa passiert isch. Mir singed zwar "fescht soll mein Taufbund immer schtehen, ich will die Kirche heren, sie soll mich allzeit ;gläubig sehen und folgsam ihren Lehren." Begeischteret hond mir die Beschlüss vum II.Vatikanische Konzil ufgnumme, wo der guete Johannes XXIII die alte Fenschter mol offgmacht und frische Luft rei glosse hot. Nu de sell Bischof Lefebvre hot dumm tue und hot sich gweigeret. Er hot ä Priesterbruederschaft underem Patronat vum Hl.Pius X. gründet, des war de sell, wo de Antimodernischteeid eigfihrt hot. De sell Lef hot eigene Bischöf gweiht. S hot im Vatikan weh tue, aber mer hot die ganz Gsellschaft exkommuniziert.
.
Etz merk i a mir deitlich, wie vergesslich mer im Alter wird und de Papscht isch gottsname halt au so alt wie i und i hon so s Gfihl, als obs dem Heilige Vadder in Punkto Vergesslichkeit ähnlich goht wie mir. Vor allem hot'er vergässe, dass se ufem Konstanzer Konzil 1414 endgültig beschlosse hond, dass ä Konzil iberem Papscht schtoht und it umkehrt. Suscht hetter doch die Pius-Brüeder-Bischöf it vu de Exkommunikazion löse känne, wo die doch s ganz Vatikanum II ablähned und umwerfe mechted.

Er hot vergesse, wa des fir en Durenand giit, wenn er etz die alt lateinische Mess wieder zuelosst, dasses etz denn wieder ä neie Sorte Katholike giit, wo denn uf uns "Moderne" verächtlich abelueged. Aber unsern deitsche Papscht mont's jo nu guet und hett halt gern de Friede mit däne fundamentalischtische Bruttle. S isch nu schad, dass er dauernd vergisst, dass er mit de moderne Theologe au Friede mache sott und it nu mit de Hinterwäldler, aber do ischer arg vergesslich, unsern Benedikt.
Guet, die Regensburger Red isch allmählich versurret, woner d Muslim unnötig gstupft hot. Do hot'er den alte Kaiser ussem 14.Jhdt it vergässe. Dodefir hot'er aber wieder vergässe, dass d Proteschtante halt doch unsere Gschwischterle sind
aber er hot wieder dief i sinere Theologie gschürft und feschtgschtellt, dass die Proteschtante eigentlich halt doch gar ko Kirch sind. Wenner des nu vergesse het, aber so Sache vergisst er komischerweis ite.

Die Karfreitags-Fürbitte fir d Jude hett'er känne so losse, wie de Johannes XXIII
se formuliert ghet hot. Aber do kummt zu de Vergesslichkeit im Alter au no de Altersstarrsinn dezue, des känn i au vu mir und mine Freund. Etz sind d Jude sauer und seit de sell englische Levebvre-Bischof, der verhinderete Gauleiter au no de Holocaust leugnet, während ihm de Papst die Excommunio am Kittel abbutzt, sind d Jude ersch recht verruckt. Sie sind mit Recht verruckt, au wenns de Hl. Vadder doch nu guet gmont hot. S giit aber im Volksmund ä Schprichwort, wo heisst: "Uf die selle, wo's all nu guet moned, uf die moss mer ufbasse!"

Bi uns in Singe hots au en mächtige Schlag tue. Johrzehntelang hond engagierte Fraue bim SKF, also bim Sozialdienscht Katholischer Frauen wichtige soziale Dienschte gleischtet. Iberall wo's nötig war, freiwillig und ohne Bezahlung! Gschtandene Wiiber wared de Reihe noch Vorsitzende und s wared oft meh evangelische und andere chrischtlich eigschtellte Fraue debei wie Katholike. Prima hot des johrzehntelang funkzioniert und do isch ebbes gleischtet wore und des alles im Zeiche vunere tadellos funkzionierende Oekumene vor Ort a de Basis. Etz hot mer mösse ä neue Vorsitzende wähle, weil die bisherige in de wohlverdiente Ruhestand gange isch. Vu Freiburg, also vu de oberschte Heeresleitung isch denn one kumme und hot sich uf ä alte Satzung berufe und i dere isch gschtande, dass Proteschtante it wähle derfed. Mer hot denn au gwählt, aber schtucke 30 Fraue sind vorher ufgschtande und gange.

Inzwische sind iber 40? 50? 60? Mitglieder ussem SKF austrete. Etz hond se denn ä neie Satzung, aber kone Fraue meh. Die mached zwar ihre wertvolle Arbet fir "den Nächschten wiiter, aber under eme andere Fahne. Des kunnt debei use, wemer de Buechschgtabe meh schätzt als de Geischt!

Von Walter Fröhlich