Wafrös Alemannische Dialektik vom 20. Februar 2008

Ä Delefon war scho alleweil ä schäne Sach und hüt isch de Komfor jo total perfekt, seit me die Händi hot, wo meischtens denn klingled, wemer die Klingelei grad it bruche ka. Vill Lüt hond jo gar kon Klingelton me, sondern ä ganz schpeziells Ruefzeiche. Die ka me bschtelle, denn klinglets nume, wemer aagruefe wird, sondern denn schwätzt ebber. Neilich war i binere Fäschtveranschtaltung, no hot zmol ä Schtimm gruefe "Hallo Schatzi wo bist du, hallo Schatzi melde dich!" Des isch herzig, wemer so aagruefe wird, nu it bime Fäschtakt, wo iber hundert Lüt um om rum sind. Meischtens druckt mer jo denn glei ufs Knepfle, aber äbe nu denn, wenn die Dame ihre Händi i de Koschtümjacke hot und it i de Handtasche und au no vergässe hot, dass se des Ding usschaltet, bevor se a den Fäschtakt goht. Etz wird aber jo bi so Fäschakt efters en Hufe Blech gschwätzt und do ka's saumässig luschtig sei, wenn zmol ussere Handtasche ä Schtimm ertönt, "Hallo Schatzi, wo bist du, hallo Schatzi melde dich!" Mer moss sich nu mol vorschtelle, dass irgend en Abgeordnete grad das Wort ergriffen hot. I woss zwar it, wie me ä Wort ergreife ka, aber all wieder mol hört me oder liest, dass on oder one das Wort ergriffen hot, oder Er oder Sie ergreift's grad und etz erklärt der Redner, wo grad nochem Wort greift, er sei schon allenweil der Meinung gewäsen, dass des so nicht weiter gehen känne und er fordere etzt Genau zu dem Zeitpunkt, wo der oder die Rednerin etzt fordert, weil des so nicht weiter gehen känne, genau zu dem Zeitpunkt tönt die Schtimm us dere Handtäsche, "Hallo Schatzi, wo bist du, hallo Schatzi melde dich!" Us wellere Handtäsche die Schtimm kumme isch, wissed nu selle, wo ziemlich nooch binere schtond oder hocked, aber alles lacht und der Redner griegt augeblicklich en rote Kopf. Die Händidame hot au en rote Kopf und hot ihre Händi sofort usgschaltet. Sie merkt nadierlich, dass alls zunere anelueget und grinst, So ebbes hett's früener it gäe, binere Fäschtversammlung. Do isches hekschtens mol vorkumme dass on en Laute fahre lo hot, weil'er en hot nume verhebe känne, vielleicht aber au als Proteschsignal gege den Redner, wobei en Furz manchmol die einzig richtige Antwort uf des effentliche Gschwätz wär. So en Furz duldet kon Widerschpruch, er isch ä endgültige Aussage!Die Frog aber, "Hallo Schatzi, wo bist du," ka so en Redner fix und fertig mache. Usgrechnet a dere Schtell, wo er forderet, weil des so it weitergehen känne, do kunnt ussem Publikum iberdeitlich die Frog und wa soll'er etz do sage? Ons woss'er sicher, dass des it ihm gilt, dass sei Freundin niemols Schatzi i de Effentlichkeit zunem sage dät und iberhaupt käm' ihre nie in Sinn, ihn mitem Händi az'ruefe, wenn er bolitisch tätig isch. Aber er schpihrt, dass sei Gsicht nass isch, weil alles lacht, aber it weil er so guet isch, sondern weil do ebber sin Schatzi suecht und des blederweis mitte i sim Fäschtvortrag. Wa hot'er sich fir ä Müeh gäe, bis er die Schtichwörter ufem Babier ghet hot und etz moss em so ebbes bassiere. I kenn nu on Bolidiker, wo sonere Situazion gwachse wär, aber der schwätzt vu vornerei äbe ko Blech und den dät au so ebbes it us de Fassung bringe, des wär de Manfred Rommel. Der dät do sicher sage,."Liebe Leit, die Liebe isch wichtiger als älles andere. Etz suechemer z'erscht mol des Schätzle, no machemer wieder weiter!"

Von Walter Fröhlich