Wafrös alemannische Dialektik vom 14. Oktober 2009

Jeder vu uns kennt irgend en "Hardi" en Leonhard, wie der Name richtig heißt und der hot gläbt zwischem fimfte und im sexte Johrhundert, hot it Bischof sei welle, hot sich i d Einsamkeit z'ruckzoge, die Kranke gheilt und isch vum König beschenkt wore, hot aber nint gnumme und wemer ä Heiligefigur inere Kirche sieht, wo ä Kette hot, no isches de Leonhard, oder de Leander. Weil de Gfangene d Kette abekeit sind, wenn se zum Leander betet hond, drum hot'er die Kette und usserdem ischer de Patron vu de Rösser.I kännt etz no ä paar Siite iber den Heilige schriebe, aber des intressiert hüt doch kon Mensch meh. Der Name isch hüt selte, weil mer d Kinder nume noch de Tagesheilige tauft. Trotzdem gitts abot no so en verkrüpplete Leonhard als Hardi, aber des isch eigentlich iberhaupt it des, wani hon verzelle welle. I bin uf ä komische Art und Weis uf den Hardi kumme, nämlich wägedem:
Etz hond se wieder mol en Sensazionsfund gmacht, die Wisseschaftler und zwar z Äthiopien. Do hond se ä Frau gfunde, die isch 4,4 Millione Johr alt, s duetere also kon Zah meh weh, aber s isch des bislang älteschte Mensch, wo me bisher gfunde hot. S isch it emol sicher, obs en richtige Mensch isch, weil sie Forscher saged, sie tei zu de Hominiden ghöre, also halb Mensch, halb Aff. En Meter und zwanzg sei se gross und heb 50 Kilo gwoge. Sie hot klettere känne wie en Aff, isch aber au uf zwä Füeß am Bode rumkräslet. Mer woss nicht genau, of sie en ufrächte Gang ghet hot oder it. Reißzähne hot se ghet, die Dame und hot sich ernährt vu Nüss, Früchten, Insekte und kläne Viehcher.
Die Forscher grabed wie verruckt wiiiter und hoffed, dass se no meh finded, wo uns Aufschluss giit, woher mir letzschtendllich kummed. S isch jo scho intressant, dass se kon Maa gfunde hond, sondern ä Frau mit Reißzäh! Wer woss, viellicht hot se ihren Alte verrisse, weil er innere andere nochgloffe isch, wo schänere Zäh im Mul ghet hot. Mer moss nämlich wisse, domols hots no kone zehn Gebote gäe. Do hot one känne ihren Alte uffresse, ohne dasses ä Sünd gsi isch. O wievill Problem däted sich hüt vunim selber regle. Die Verliebte saged doch manchmol, "o i kännt di grad fresse!" Wenn se'schpäter denn mol mache däted, so isch halt s Läbe!
Die Wisseschaft isch die sogenannte Paläonthropologie und die gänd it noch, bis se irgendwenn mol usegfunde hond, ob de Mensch vum Aff abschtammt oder wenn er sich vum Aff trennt hot. Des isch ä schwierige Wisseschaft weil mer jo hüt bi manche oft not it woss, hond se sich scho trennt oder sind se no Affe.I dät sage, elei de ufrächte Gang ka it s onzige Kriterium sei. Aber am meischte gfreit hot me bi dem Schtudium, dass se dere 4,4 Millione alte Urgroßmamme den Name "ARDI" gäe hond. Hardi wär ä bissele ä Beleidigung vum Heilige Leonhard gsi. Der hot inere Königstochter Beischtand gleischtet, bis se en gsunde Bue uf d Welt brocht hot. Er hot Kette gschprengt, Rösser und Mensche gheilt, aber Reißzäh hoter kone ghet!

Von Walter Fröhlich